المكان الامثل لفهم نفسك و الاخرين

عزيزى فاروق
انا فى مشكلة كبيره اوى وقربت على سنه مبقتش عارفه انام ولا اكل وعلطول عصبيه وكئيبه
الحكاية ابتدت لما اتعرفت على شخص وقربنا لبعض وبقينا اصحاب اوى وبعدين انا من اول ما عرفته وانا حسيت انى هتعلق بيه اوى عشان كان قريب منى فى كل حاجه كلامنا ، تفكيرنا ، تصرفاتنا
بس كنت خايفه منه عشان علاقتنا كانت كلها على النت او فون ، ومكنتش عارفه اتطمن وبشك فى اى حاجه بس دى طبيعتى بشك فى كل اللى حواليا ومبعرفش اثق فى حد بسهوله
لحد ما فى الاخر ملقتش حل غير انى اقطع علاقتى بيه عشان ابطل شك وتفكير، بس المشكله انى مقدرتش
ولما لاقيتو بيحاول يوصلى تانى مقدرتش اقوله لا
بس لحد دلوقتى انا مقولتش انى بحبه و علطول بحاول اخبى عنه ، كنت فاكره انى لما بعدت عنه الفترة دى كلها ورجعتله تانى ، كنت فاكره انى هقوله بقى او هسيبه يتقرب منى وابطل ابعده بس لاقيت نفسى زى ماكنت
هو ساعات بيحسسنى انو حاسس بيا ، بس ساعات كتير لا
وحاول كتير يتقرب ليا بكزا طريقة وانا كنت ببعده
بس دلوقتى بجد تعبت ونفسى يعرف انا بحبه قد ايه ، مش عارفه اقوله ولا لا
خايفه اقول وفى نفس الوقت مش قادرة افضل كده ، مبقتش عارفه اعيش حياتى
سامحنى على الاطالة بس حبيت احكيلك كل التفاصيل ويارييييت تساعدنى