مش قادره أنساه , ده أول حب بجد

مش قادره أنساه
ده كان الوحيد الحبيته بالشكل ده
عمرى ما ححب حد تانى زى ما حبيته
مقدرش أتخيل نفسى مع حد تانى

الجمل ديه شكلها مألوف؟
لو ردك كان أيوه يبقى أعرف أنك وقعت ضحيه معتقد خاطىء اسمه "هو ده و مفيش زيه" .

أسطوره "هو ده و مفيش غيره"

كل الافلام الرومانسيه الى شفتها و عدم معرفتك الكافيه بسيكلوجيه الحب ادوا الى انك تكون معتقد خاطىء أسمه "هو و مفيش غيره" , الافلام دى و الاغانى الى سمعتها برمجت مخك بحيث بقيت معتقد ميه فى الميه ان مفيش غير شخص واحد بس ممكن تحبه بجد, و دى من أكبر الخرافات السائده.عقلك الباطن يستجيب للتكرار و لذلك فهو ممكن يقتنع بحاجه لو شافها كذا مره حتى و ان كانت فى فيلم او فى اغنيه. تكرار الفكره نفسها بتاعة الحب الوحيد و الحب حتى الموت و الكلام ده بيتخزن فى عقلك و يتحول أفكار لحد ما يبقى فعلا ده معتقد قوى عندك.

هل فعلا المعتقد ده صحيح؟

• أى حد ممكن يملا الفراغ: الحاجه الى مخلياك فاكر ان الشجص ده مفيش غيره هى اللحظات الحلوه الى قضيتها معاه. اللحظات دى و الشخص ده مخزنين فى عقلك على انهم شىء واحد, لكن فى الحقيقه اى حد حيخليك تحس بنفس المشاعر دى او يقضى معاك نفس اللحظات الحلوه حيملا الفراغ ده. لو لسه مش مصدق بص على نفسك لما تحب شخص تانى, فى الغالب حتلاقى نفسك نيست الاديم و بتقول على الجديد برضه ان هو هو و مفيش غيره!!! نفس السيناريو و أشخاص مختلفه.
• كام واحد قبل كده كان مفيش غيره؟: بص كده على الماضى بتاعك, حتلاقى ان كل ما كنت بتحب واحد كان بيكون هو و مفيش غيره و مفيش زيه. يعنى الموضوع مش موضوع ان هو شخص واحد, دول كتير لاكن انت كل مره بتبقى فاكر ان هو ده المفيش زيه
• سيكلوجيه الحب: زى ما قلنا من قبل ان فى معايير معينه فى عقلك الباطن على اساسها ممكن تحب شخص, لو واحد توافق مع معظم هذه المعايير ستحبه بس ده مش معناه ان مفيش غيره لانك ممكن تقابل واحد تانى يتوافق مع عدد اكبر من المعايير دى. لو عاوز معلومات اكتر عن موضوع المعايير اتبع الرابط الى تحت
• هو ده اول حب؟ : لو كانت دى اول تجربه حب ليك اكيد حتكون مقتنع ان هو الشخص ده الوحيد الى ينفعك لانك ببساطه عمرك ما حسيت بالمشاعر ديه تجاه شخص أخر. الموضوع كله هنا فى المشاعر مش فل الشخص, يعنى تانى شخص تقابله يحسسك بنفس المشاعر حيخليك تنسى الاول تماما

متخليش حد يبرمجك

ليه تسمح للاعلام ان يبرمجك؟ ليه تسمح ان افكار مخلوطه تدخل عقلك الباطن و تتعبك نفسيا؟ خد بالك من الافلام الى بتشوفها و الموسيقى الى بتسمعها عشان دى بتبرمج عقلك الباطن بشكل مباشر. مفيش حاجه اسمها "هو ده و مفيش غيره" فى حاجه اسمها "هو ده بس ممكن يكون فى أحسن منه"

محمد فاروق هو شاب مصرى فى السته و عشرين من عمره و هو صاحب اول موقع مصرى فى التنميه البشريه, الموقع يحصل على اكثر من ثلاثه ملايين زياره سنويا و هو اول موقع مصرى يبيع كتب مصريه كتبها محمد فاروق للاجانب فى كل انحاء العالم, لتعرف المزيد عن محمد فاروق اتبع ذلك الرابط. موقع تونوماى سيلف لا يحتوى على مقالات عاديه او نصائح هواه و لكنه يحتوى عل تكنيكات مؤثره مبنيه على علم السيكلوجى و مقدمه باسلوب مبسط يفهمه جميع الناس بدون اى مجهود. اذا كنت تعتقد ان هذا الكلام هو نوع من انواع الدعايه فاتبع هذا الرابط لتعرف بنفسك ماذا يقول الزوار لاجانب على الموقع

تريد معرفه المزيد؟

مازلت لا أفهم لماذا لا أستطيع أن أنساه

كل حاجه بتفكرنى بيها!!

لماذا أقع فى حب شخص معين؟

قولى مراحل نسيان شخص

ماذا تعنى ببرمجه شخص معين؟

ما هو التأثير السيكلوجى للموسيقى؟